ក្រុមបាល់ទាត់ Khmer United និងក្រុម TOFU Army FC នឹងត្រូវឡើងទៅប្រកួតប្រជែងម្ចាស់ជើងឯកពានរង្វាន់ UYFC Soccer League 2024 រដូវកាល ២០២៤ ជាមួយគ្នានៅវគ្គផ្តាច់ព្រ័ត្រ បន្ទាប់ពីក្រុមខ្លាំងៗទាំងពីរនេះបានយកឈ្នះគូប្រកួតរៀងៗខ្លួន នៅវគ្គពាក់កណ្តាលផ្តាច់ព្រ័ត្រកាលពីចុងសប្តាហ៍នេះ។

បន្ទាប់ពីប្រកួតយ៉ាងស្វិតស្វាញអស់រយៈពេលប្រមាណ ១ខែនៃពានរង្វាន់ UYFC Soccer League 2024 នៅក្នុងវគ្គផ្តាច់ព្រ័ត្រឃើញហើយគឺក្រុមបាល់ទាត់ Khmer United FC របស់ឧកញ៉ាបណ្ឌិត គីម ហ៊ាងដែលជាស្ថាបនិកបុរី ខេអេស រ៉េសុីដេនបានយកឈ្នះក្រុមបាល់ទាត់ Al AHLY ក្នុងលទ្ធផល ៣-០។ ចំណែកឯក្រុម TOFU Army FC បានយកឈ្នះក្រុម CHAMKARMON LION ក្នុងលទ្ធផល ២-០។

​វគ្គផ្តាច់ព្រ័ត្រនេះលោកឧកញ៉ាបណ្ឌិត គីម ហ៊ាង បាន​ថ្លែង​ឱ្យ​ដឹង​ក្នុង​បទសម្ភាសន៍​ថា៖ “ពេលដែល​យើង​ឆ្លង​មក​ដល់​វគ្គផ្តាច់ព្រ័ត្រ​នេះ​ គឺ​យើង​មាន​សង្ឃឹម​​​ច្រើន​ហើយ។ ​ក្រុម​ដែល​​ឡើង​មក​ជាមួយ​យើង​ក៏​ជា​​ក្រុម​ខ្លាំង​ដែរ ប៉ុន្តែ​ទំនុកចិត្ត​ដែល​ខ្ញុំ​មាន គឺ​ខ្ញុំ​ទុកចិត្ត​លើ​កីឡាករ​របស់​ខ្ញុំ​ ១០០%”។

សូមជម្រាបថាការប្រកួតនេះវគ្គផ្តាច់ព្រ័ត្រនេះនឹងត្រូវប្រកួតនៅថ្ងៃអង្គារ ទី០៩ ខែកក្កដា ឆ្នាំ២០២៤ វេលាម៉ោង ៥:OOនាទីល្ងាច នៅពហុកីឡដ្ឋានជាតិអូឡាំពិកនៃពានរង្វាន់ UYFC Soccer League 2024 រដូវកាល ២០២៤។